وەزارەتی کارەبای حکومەتی هەرێمی کوردستان  بڵاویكرده‌وه‌ تا ئێستا 70%ـی هەرێمی کوردستان کارەبای 24 کاتژمێری پرۆژەی ڕووناکی پێگەیشتووە و ئه‌مه‌ش دوایین وەرزی زستان دەبێت لە کوردستان کە تێیدا کارەبا بپچڕێت.

هەواڵ:KNNC

وەزارەتی کارەبا  له‌راگه‌یه‌نراوێكیدا هاوڵاتییانی ئاگادارکردووەتەوە، چالاکییەکانی زیادکردنی بەرهەمهێنانی گازی سروشتی و کارەبا و سازدانەوە لە تۆڕی کارەبای نیشتمانی لەپێناو دابینکردنی کارەبا بە باشترین شێوە، بەردەوام دەبێت.   

ئاماژه‌ی به‌وه‌شكردوه‌ ئەم چالاکییانە كێشەی 30 ساڵەی کارەبا بەیەکجاری بنبڕ دەکەن .

ئەم ڕاگەیەندراوەی وەزارەتی کارەبا لە کاتێکدایە، هه‌رئه‌مرۆ وەزارەتی ناوبراو لە ڕاگەیەنراوێکی تریدا ئاگاداری هاوبەشانی کردەوە: بەهۆی كێشه‌یه‌كی  تەکنیکییەوە لە کێڵگەی کۆرمۆر بڕی 250 ملیۆن پێ سێجا گاز کەمی کردووە، ئەمەش بووەتە هۆی کەمبوونەوەی بڕی 1000 مێگاوات کارەبا.