ئەردۆغان وەڵامی ناتانیاهۆی دایەوە لەبارە خەونەبینین بە ئیمپڕاتۆرییەتەوە و دەڵێت تورکیا سەرچاوەی پێشکەوتنی جیهانە و بەردەوام دەبن لە پێشخستنی جیهان.

هەواڵ:KNNC

دوای ئەوەی بنیامین ناتانیاهۆی سەرۆکوەزیرانی ئیسرائیل لە پەراوێزی ئەنجامدانی ڕێککەوتنی نێوان ئیسرائیل و قوبرس و یۆنان بە تورکیای وت خەیاڵتان خاوە و خەو بە ئیمپڕاتۆرییەتەوە دەبین، ڕەجەب ئەردۆغان سەرۆکی تورکیا وەڵامی دایەوە و وتی تورکیا سەرچاوەی پێشکەوتنی جیهانە لە ڕابردوودا جێنەماوە.

سەرۆکی تورکیا ئاماژەی بەوەکرد کە یەکەم زانکۆی ڕۆژئاوای بە زمان و پەیڕوی تورکیی بووە بۆ چەندین سەدە، تورکەکان لە بوارە زانستیی و هونەریی و کلتورییەکانکاری گەورەیان ئەنجامداوە، نەک تەنها بۆ تورکیا و ڕۆژئاوا بەڵکو بۆ هەموو جیهان،

ئەردۆغان وتیشی، "قسەکانم بۆ ئەوە نییە کە بەدیار ڕابردووی پرشنگداری تورکیاوە دابنیشین و هەنگاو نەنێین، نەخێر بابەتەکە ئەوەیە کە شانازیی بە بابوباپیرانمانەوە دەکەین، بەڵام لە ڕابردوودا جێنەماوین و جێنامێنیهن، ئیمە ئەزموون لە پێشینانمان وەردەگرین و کۆی دەکەینەوە و بەهێزی دەکەین بۆ داهاتوومان".

ڕەجەب تەیب ئەردۆغان لە درێژەی قسەکانیدا وتی، تورکیا لەبەر چەند دەستکەوتێک پشت لە زانین ناکات و ئەوان بە بیرۆکە و زمانی خۆیان پلانی خۆیان دادەڕێژن، ڕێگەیەک بۆخۆیان بنیاددەنێن نەک تەنها بە ژیریی بەڵکو بە دڵ و هۆش و سۆزەوە...