وتەبێژی پارتی یەکسانی و دیموکراسی گەلان ده‌ڵێت؛ نابێت كورد له‌سوریا پشتگوێ بخرێت.

هەواڵ:KNNC 

ئەمڕۆ پێنجشەممە، ئایشە گول دۆغان، وتەبێژی پارتی یەکسانی و دیموکراسی گەلان( دەم پارتی) له‌باره‌ی ڕێککەوتننامه‌ی 10ـی ئادار، ڕایگەیاند: سوریایەکی دیموکراسی ده‌توانێت بەشداری لە دیموکراسی ڕۆژهەڵاتی ناوەڕاست و تورکیادا بکات وجه‌ختیشیكرده‌وه‌،كه‌ پێشهاتەکانی سوریا کاریگەرییان له‌سه‌ر توركیا ده‌بێت

به‌وته‌ی ئایشه‌ گوڵ  پێویستە بە گفتوگۆو دانوستان گشت پرسه‌كان  له‌سوریا چارەسەر بکرێن و هه‌موو ئه‌و ئاڵنگاریانه‌ش وه‌ك هه‌ڕه‌شه‌ ده‌رده‌كه‌ون به‌گفتوگۆ له‌گه‌ڵ هه‌سه‌ده‌ به‌ره‌و چاره‌سه‌رده‌چن.
دوپاتیشیكرده‌وه‌ ،كه‌پێویسته‌ كورد له‌سوریا به‌ئازادی بژێن و نابێت پشتگوێ بخرێن.

وته‌بێژه‌كه‌ی ده‌مپارتی سوریا وڵاتێكی فره‌ كه‌لتورو ناسنامه‌یه‌ و ئه‌وه‌ش زاده‌ی هه‌زاران ساڵه‌ بۆیه‌ له‌بری سه‌پاندنی مۆدێلێكی مه‌ركه‌زی و فه‌رامۆشكردنی پێكهاته‌كان باشتره‌ په‌نا بۆ دۆزینه‌وه‌ی رێگه‌چاره‌یه‌ك ببرێت كه‌ تیایدا هه‌موان هه‌ست به‌ئازادی خۆیان بكه‌ن.