عەبدوڵڵا ئۆجالان دەڵێت ئیسلام ئایینی ئازادیی و دادپەروەریی و یەکسانییە و سەرمایەداریی هەوڵی داوە جەوهەری ئایینەکە ونبکات و ئایینی ئیسلام وەک خۆی بە دەرمانی دەردەکانی ڕۆژهەڵاتی ناوەڕاست ناودەبات.

هەواڵ:KNNC


عەبدوڵڵا ئۆجالان ڕێبەری زیندانیکراوی پارتی کرێکارانی کوردستان-پەکەکە یەکەمین کۆنگرەی ئاسایی فیدراسیۆنی لێکۆڵینەوە ئیسلامییەکانی میزۆپۆتامیا نارد و وتی: ئیسلامی دیموکراتیک گەڕانەوەیە بۆ ڕۆحی پەیمانی مەدینە، جەوهەری ئایینی ئیسلام ئازادیی و دادپەروەریی و یەکسانییە، بەڵام ئیسلامی دەوڵەتیی یاخود سیاسیی بەکاری دەهێنێت و وایکردوە جەوهەرەکەی ونبکات.

عەبدوڵڵا ئۆجالان ئاماژەی بەوەداوە، ئیسلامی دیموکراتیک گەڕانەوەیە بۆ گیانی پەیمانی مەدینە، . ئەو پەیمانە پەیمانی پێکەوەژیانی باوەڕی، گەل و کولتوورە جیاوازەکانە بە ئیرادەی خۆیان و بێ زۆرەملێیە. پێویستە بزاندرێت جیهادی ڕاستەقینە تێکۆشانە دژ بە خۆپەرستی و چەوساندنەوەیە لە ڕێگەی ڕەخنەلەخۆگرتنی بەردەوامەوە. بیرکردنەوەی شورا لە ئیسلامدا بە مانای عەقڵی کۆلەکتیڤ و بڕیاردانی دیموکراتیکە.

لە کۆتایی پەیەماکەیدا ڕێبەری پەکەکە وتویەتی، "لەجێگەی ئەوەی ئیسلام بکەینە کەرەستەیەکی سیاسی دەوڵەت و گروپە جیاوازەکان، با بیخەینە خزمەت ژیانی ئازادی کۆمەڵگایەک کە لەسەر ئەو بنەمایە خۆی بەڕێکخستن کردووە. ئیسلامی دیموکراتیک شارستانییەتێکی جێگرەوەیە کە بنەماکەی، ئازادیی ژن و هاوسەنگی ژینگەیی خوشک-برایەتی گەلانە،  تەنیا ئەم لێکدانەوە دیموکراتیکە دەتوانێت ببێتە دەرمان بۆ برینەکانی ڕۆژهەڵاتی ناوەڕاست هیوادارین گفتوگۆکانتان لەو چوارچێوەیەدا سوودبەخش بن بۆ پڕۆسەی کۆمەڵگای دیموکراتیکمان کە دەستمان پێکردووە."