وەزارەتی پلاندانانی عێراق  به‌نیازه‌  گۆڕانکاری لە موچە و شایستەکانی فەرمانبەران بكات  بۆ ئەوەی هاوسەنگی لە ماف و شایستەکانی فەرمانبەران بێته‌ ئاراوه‌.

هەواڵ:KNNC 

وه‌زاره‌ته‌ له‌ڕاگه‌یه‌نراوێكیدا بڵاویكردوه‌ته‌وه‌، كه‌ پشت به‌ستن به‌رێنماییه‌كانی ئه‌نجومه‌نی وه‌زیرانی ئابوری عیراق پرسی نوێكردنه‌وه‌ی داتای موشه‌و ده‌رماڵه‌ی فه‌رمانبه‌ران تاوتوێكراوه‌ له‌پێناو دروستكردنی هاوسه‌نگی له‌ماف و شایسته‌ داراییه‌كانی فه‌رمانبه‌ران .

 هەنا‌ ئیسماعیل، بریکاری وەزارەتی پلاندانان بۆ کاروباری ئیداری رایگەیاندوە، نوێکردنەوەی داتای فەرمانبەران و گرتنەبەری مۆدێلی وردتر هەنگاوێکی سەرەکییە بۆ هەڵسەنگاندنەوەی ڕاسپاردەکانی پێشوو، کە یارمەتیدەر دەبێت بۆ بەدەستهێنانی دادپەروەری و

هاوسەنگی لە مووچە و دەرماڵەکان لەنێوان دامەزراوە حکومییەکان".

جه‌ختیشیكردوه‌ته‌وه‌ له‌وه‌ی "تەواوکردنی ئەو داتا و زانیاریانەی کە لەلایەن دەزگا پەیوەندیدارەکانی حکومەتەوە پێویستن، دەبێتە هۆی ئەوەی لیژنەی کارامە بتوانێت پێشنیاری پراکتیکی و پلان بۆ داڕێژراوی باش پێشکەش بکات بۆ پێداچوونەوە بە هەیکەلی مووچە و دەرماڵەکان لە قۆناغی داهاتوودا.