هەفتەیەکی ساردمان لەپێشە و ساڵی نوێش بەفراویی دەبێت و لە ناوەندی شارەکان بەفر دەبارێت، لە هەندێک ناوچە 1 مەتر بەفر دەبارێت.

هەواڵ:KNNC

کەشناسیی هەرێمی کوردستان لە نوێترین پێشبینییەکانی بۆ ڕەوشی کەشوهەوا ڕایگەیاند: لە 27ی ئەم مانگەوە واتە شەممەی داهاتوو تا 30 مانگ کە دەکاتە سێشممە، بارستەهەوایەکی سارد ڕوو لە ناوچەکە دەکات و نمەباران و بەفری لەگەڵ دەبێت.

کەشناسیی ئاماژەی بەوەداوە، کاریگەریی شەپۆلەکە لەسەر شارەکان، لە ڕۆژی دوشەممەدا زیاتر دەبێت و پلەکانی گەرماش بەڕیژەیەکی بەرچاو دادەبەزن، کە بە ئەگەرێکی زۆرەوە جیا لە ناوچە شاخاویی و سنورییەکان، بەفر لە ناوەندی سلێمانی و دهۆک دەبارێت.

لای خۆشییەوە کەشناس شاڵاو هیدایەت لەبارەی شەپۆلی بارانی سەرەتای ساڵی نوێ بە کەی ئێن ئێنی ڕاگەیاند: پێشبینی بارانبارینی زۆرباش بۆ هەموو ناوچەکان دەکرێت، کە بڕەکەی لە 40 بۆ 150 ملیمە، کاریگەرییەکەشی لەسەر ناوچەکانی ڕۆژهەڵات و سلێمانی و گەرمیان زیاتر دەبێت

لەبارەی بەفربارینیش ئاماژەی بەوەدا سەرەتای ساڵ بەفرێکی باش دەبارێت و لە هەندێک ناوچەی شاخاویی و سنوریی ڕاپەرین و هەولێر و بادینان پێشبینی بارینی 1 مەتر بەفر دەکرێت و ئاستەنگی هاتوچۆ دروستدەبێت و ڕێگەکان دەگیرێن، لەگەڵیشیدا بەرزترین پلەکانی گەرما بۆ 7 پلە ژێرسفری سیلیزیی دادەبەزن...