بومەلەرزە ژاپۆنی هەژاند و 30 کەس بوونە قوربانیی و هەزاران کەس ماڵەکانیان بەجێهێشت.

هەواڵ:KNNC

بەهۆی بومەلەرزەیەکی بەهێزەوە لە ژاپۆن 30 کەس بوونە قوربانی و دەسەڵاتی وڵاتەکەش دەڵێت تسۆنامیش دروستبوە.

دەزگای کەشناسیی ژاپۆن ڕایگەیاند، بومەلەرزەکە گوڕەکەی 7.5 پلەی ڕێختەر بووە و لە هەندێک لە کەناراوەکانیش  تسۆنامی دروستبووە هۆشداری بۆ پارێزگاکانی هۆکایدۆ دراوە، لە ئاومۆری و ئیواتێش ئاستی ئاو بەهۆی تسۆنامییەکەوە 20 بۆ 70 سانتیم لە چەند بەندەرێک بەرزبووەتەوە.

بەپێی ئامارەکان بەهۆی بومەلەرزەکەوە 30 کەس برینداربوون و 90 هەزار کەسیش ناچاربوون ماڵەکانیان بەجێبهێڵن.

ناوەندی بوومەلەرزەکە بە دووری 80 کیلۆمەتر لە کەناراوەکانی پارێزگای ئاومۆری بووە و قوڵاییەکەشی 54 کیلۆمتربووە لەژێر زەوییەوە.

ئەوەش دوای ئەوەدێت کە چەند ڕۆژێک بەر لە ئێستا دەزگای کەشناسیی وڵاتەکە هۆشدارییان لە دروستبوونی تسۆنامیدا و پاش بومەلەرزە و تسۆنامیە کەمهێزەکەی شەوی ڕابردوو ئاستی هۆشدارییەکەیان دابەزاند...