تورکیا و سوریا هێزی سەربازیی ڕەوانەی سنورەکانی ڕۆژئاوای کوردستان دەکەن و چەکی قورس جێگیردەکەن.

هەواڵ:KNNC

میدیاکانی تورکیا بڵاویان کردەوە، کە وڵاتەکەیان هێزێکی زۆری سەربازیی ڕەوانەی ناوچە داگیرکراوەکانی عەفرین و سەرێکانی و گرێسپی کردوە باکوری حەلەب و کردوە، کە خاڵی سنوریین لەگەڵ ناوچەکانی ژێردەسەڵآتی خۆبەڕێوبەریی ڕۆژئاوا و خاڵی سەربازیی هێزەکانی سوریای دیموکرات-هەسەدەی لێیە.

بەگوێرەی بڵاوکراوەکان، کاروانە سەربازییەکەی تورکیا شەوی ڕابردوو لە هەردو دەروازەی دێر بلوت و ئەدفانییەوە چوونەتە ناوەوە و ئۆپەراسیۆن و چالاکییەکانیان لە مەنبج و باکوری حەلەبە.

جیا لە تورکیا، بەپێی میدیاکانی سوریا، حکومەتی سوریاش هێزی سەربازیی وڵاتەکەی ڕەوانەی ڕۆژهەڵاتی وڵاتەکە و دێرەزوور کردوە، واتا سنورەکانی ڕۆژئاوای کوردستان، هەروەها تۆپخانە و چەکی قورسیان بەرامبەر ڕۆژئاوا جێگیرکردوە.
سەرباری دەنگۆی میدیاکانی هەردوو وڵات تا ئێستا هیچ دامەزراوە و لایەنێکی ڕۆژئاوای کوردستان زانیاریی لەبارەی ئەو بابەتەوە بڵاونەکردەوەتەوە کە دەنگۆکان پشتڕاستبکاتەوە...