ئه‌مرۆ چوارشه‌ممه‌ کاربەدەستانی ئۆکرانیا ڕایانگەیاند، لە هێرشێکی قورسی شه‌وی رابردوی ڕووسیا بۆ سه‌ر باڵه‌خانه‌یه‌كی نیشته‌جێبوون  لە شاری تێرنۆپیل لە ڕۆژئاوای ئۆکرانیا، ١٩ کەس کوژران و 66ی دیكه‌ش بریندار بوون.

هەواڵ:KNNC

وه‌ك ئاژانسی رۆیته‌رز له‌زاری به‌رپرسانی ئۆكرانی بڵاویكردوه‌ته‌وه‌، له‌وهێرشه‌دا ڕوسیا لەو هێرشە شەوانەیه‌دا زیاتر لە 470 فڕۆکەی بێفڕۆکەوان و 48 مووشەکی هاویشتووە وله‌هه‌مان كاتیشدا ژێرخانی وزه‌و گواستنه‌وه‌ی شاره‌كه‌ به‌ئامانج گیراون و ئه‌وه‌ش بوه‌ته‌ هۆی بچڕانی ته‌زوی كاره‌با له‌چه‌ند ناوچه‌یه‌كی شاری تێرنۆپیل له‌كاتێكدا پله‌ی گه‌رما به‌شێوه‌یه‌كی به‌رچاو دابه‌زیوه‌.

له‌ئاستێكی تردا پۆڵەندا کە ئەندامی ناتۆیە و هاوسنوورە لەگەڵ ڕۆژئاوای ئۆکرانیا، بە شێوەیەکی کاتی فڕۆکەخانەکانی ڕیزۆڤ و لوبلین لە باشووری ڕۆژهەڵاتی وڵاتەکەی داخست و فڕۆکەکانی هێزی ئاسمانی خۆی و هاوپەیمانەکانی وەک ڕێکارێکی خۆپارێزی بۆ پاراستنی ئاسمانی وڵاتەکەی  خسته‌ حاڵه‌تی ئاماده‌ییه‌وه‌.