ئەمەریکا جەختدەکاتەوە لە مانەوەی لە ڕۆژئاوای کوردستان و بەرپرسێکی وڵاتەکە دەڵێت: لە ئێستادا هیچ ئەگەرێکی ئاشتیی لەنێوان سوریا و ئیسرائیلدا نییە.

هەواڵ:KNNC

کەناڵی عەرەبییە لە زاری بەرپرسێکی ئەمەریکییەوە ڕایگەیاند: ئەمەریکا لەڕێگەی هێزەکانی سوریای دیموکرات-هەسەدە و حکومەتی سوریاوە، بەردەوامە لە هەوڵەکانی ڕووبەڕووبوونەوەی تیرۆر و لەناوبردنی داعش و ڕێگریکردن لە سەرهەڵدانەوەیان.

بەرپرسە ئەمەریکییەکە: کابینەکەی دۆناڵد ترەمپ بە وردی کار دەکات بۆ سەرهەڵنەدانەوەی داعش لە سوریا و دورخستنەوەی هەڕەشە بۆسەر ئاساییشی واشنتن لە دیمەشقەوە.

ئەو بەرپرسە ئاماژەی بەوەشداوە، ئەمەریکا هیچ نیازێکی نییە بۆ کشانەوە یاخود پێداچوونەوەی بە بوونی هێزەکانیدا لە باکور  و ڕۆژهەڵاتی سوریا و جەختی لە مانەوەی هێزەکانی ئەمەریکا کردەوە لە ڕۆژئاوای کوردستان، بەوەی کە وتی هیچ پلانێک لە ئارادا نییە لەبارەی گۆڕانکارییکردن لەو پرسەدا.

لەبارەی پەیوەندییەکانی ئیسرائیل و سوریا بەرپرسە ئەمەریکییەوە وتی، خواستی ئەمەریکایە ئیسرائیل لەگەڵ دراوسێکانی بە ئارامیی بژی، بەڵام ئەمە بۆ ئێستا ئاواتە و پەیوندییەکانی نێوان سوریا و ئیسرائیل چاوەڕوانی ئاشتیی و سەقامگیریی لێناکرێت...