ستیڤ ویتکۆف نێردەی
تایبەتی دۆناڵد تره‌مپ بۆ خۆرهه‌ڵاتی ناوه‌ڕاست له‌كۆنگره‌یه‌كی رۆژنامه‌وانی له‌واشنتۆنه‌وه ڕایگەیاند؛ وڵاتێکی نوێ بەشداری ڕێککەوتننامه‌كانی ئەبراهام
دەکات .
هەواڵ:KNNC
به‌وته‌ی ویتکۆف هه‌ر ئه‌مڕۆ کۆشکی سپی
ناوی ئه‌و وڵاته راده‌گه‌یه‌نێت كه پەیوەندییەکانی
لەگەڵ ئیسرائیل بەپێی ڕێککەوتنەکانی ئەبراهام ئاسایی دەکاتەوە .
ڕێککەوتنی ئەبراهام ئاساییکردنەوەیە کە لە نێوان ئیسرائیل و چەند وڵاتێکی عەرەبیدا کراوە. ڕێککەوتنەکان لەساڵی ٢٠٢٠ لەگەڵ ئیماراتی یەکگرتووی عەرەبی و بەحرەین دەستیپێکرد، دواتر ڕێککەوتن لەگەڵ مەغریب و سودان ئەنجامدرا.
ئەم ڕێککەوتنانە بە یەکەم ئاساییکردنەوەی گشتی پەیوەندییەکانی نێوان وڵاتانی عەرەبی و ئیسرائیل لە سەدەی بیست و یەک دادەنرێت و ناویان لە پەیوەندی هاوبەشی نێوان جولەکە وعەرەبەکان
کە لە ڕێگەی پەیڕەوی پێغەمبەر ئیبراهیمەوە ناونراوە
944 جار خوێندراوەتەوە