سوپای لوبنان  ئاشكرایكرد به‌هۆی زۆری كۆگای چه‌ك و ته‌قه‌مه‌نی حیزبوڵاوه‌ كه‌ ته‌قێنراونه‌ته‌وه‌ هیچ ته‌قه‌مه‌نییه‌كیان نه‌ماوه‌ بۆ به‌كارهێنان.

هەواڵ:KNNC

سه‌رچاوه‌یه‌ك له‌سوپای لوبنانی به‌ئاژانسی هه‌واڵی رۆیته‌رزی راگه‌یاندوه‌؛ به‌هۆی ته‌قاندنه‌وه‌ی ژماره‌یه‌كی زۆر له‌كۆگاكانی حیزبوڵا سوپا بێ ته‌قه‌مه‌نی ماوه‌ته‌وه‌و له‌گه‌ڵ ئه‌وه‌شدا به‌رده‌وامن له‌گه‌ڕان و دۆزینه‌وه‌ی كۆگاكانی ئه‌و حیزبه‌ بۆ ئه‌وه‌ی لوبنان پابه‌ندی رێككه‌وتنی ئاگر به‌ست بێت له‌گه‌ڵ ئیسرائیل كه‌واده‌كه‌ی كۆتایی ئه‌م ساڵه‌.

ئاماژه‌ به‌وه‌شكراوه‌ كه‌ له‌پاڵ ته‌قاندنه‌وه‌ی كۆگاكانی حیزبوڵا به‌ده‌یان تونێلی ئه‌و حیزبه‌ داخراون و پێشبینی ئه‌وه‌شكراوه‌ كه‌ تاوه‌كو كۆتایی ئه‌مساڵ سوپای لوبنان له‌باشوری وڵاته‌كه‌یان رووپێوی ته‌واوی ناوچه‌كه‌ بكات.
چڕكردنه‌وه‌ی هه‌وڵه‌كانی سوپای لوبنان له‌كاتێكدایه‌ ئەمریکا بەردەوامە لە گوشارەکانی بۆ سه‌ر به‌یروت له‌پێناو داماڵینی چەکی حیزبوڵا.