سەرۆكی سڕبیا ئەنقەرە بەپێشێلكردنی بەڵێننامەی
نەتەوە یەكگرتوەكان هەوڵدان بۆ زیندووکردنەوەی ئیمپراتۆریەتی عوسمانی تۆمەتبار
دەكات.
هەواڵ:KNNC
ئەلێکساندەر ڤوچیچ، سەرۆکی سربیا تورکیای بە پێشێلکردنی
بەڵێننامەی نەتەوە یەکگرتووەکان تۆمەتبار کرد و رایگەیاند؛ توركیا لەهەوڵی پڕچەككردنی كۆسۆڤۆدایەو ئامادەیی پیشانداوە هەزاران درۆنی خۆكوژی رادەستی بریچینا بكات.
ڤوچیچ لەسەر پلاتفۆرمی ئێکس نووسیویەتی:
"ئەو کارەی تورکیا پێشێلکارییەکی ئاشکرای بەڵێننامەی نەتەوە یەکگرتووەکان و بڕیارنامەی
1244ی نەتەوە یەکگرتووەکانە و بەردەوامی پڕچەککردنی دەسەڵاتدارانی پریچینا دەیسەلمێنێت
کە ئەنقەرە سەقامگیری لە باڵکان ناخوازێت و ئاواتەخوازە ئیمپراتۆریەتی عوسمانی زیندو
بکاتەوە".
سەرۆكی سربیا ئاماژەی
بەوەكردوە ، كەهەریەك لەئەمریکا، ئەڵمانیا و تورکیا چالاکانە هێزە
ئەمنییە نیمچە سەربازییەکانی کۆسۆڤۆ پڕچەک دەکەن.
244 جار خوێندراوەتەوە