پۆلیسی لەندەن ڕایگەیاند، توانیویانە باندێکی دزیکردن دەستگیر بکەن، کە بەرپرسیارن لە دزینی 40هەزار مۆبایل لە پایتەختی بەریتانیا و موبایلە دزراوەکانیشیان بە قاچاخ بردوە بۆ وڵاتی چین.

هەمەرەنگ:KNNC

ئاژانسی رۆیتەرز لە زاری پۆلیسی لەندەنەوە بڵاویکردوەتەوە، لە یەکێک لە ئۆپراسیۆنە ئاڵۆزدا بۆ ناسینەوەی دزەکانی مۆبایل لە لەندەن، توانیویانە لەماوەی هەفتەیەکدا 46 کەس دەستگیر بکەن.

بە وتەی بەرپرسانی داد و پۆلیسی بەریتانیا، پێدەچێت ئەندامانی ئەو باندە بەرپرسبن  لە دزینی 40٪ی مۆبایلە دزراوەکانی پایتەختی بەریتانیا.

 پۆلیس ئاماژەی بەوەکردوە، دزەکان بۆ کارەکەیان پاسکیلی کارەبایییان بەکارهێناوە؛ بۆ ئەوەی بە ئاسانی دەستگیرنەکرێن و بە خێرایی مۆبایلە دزراوەکان بگوازنەوە.

پۆلیسی لەندەن دەشڵێت؛ ئەمە یەکەمجار نییە و لێکۆڵینەوەیان لە دۆسیەکە ساڵی ڕابردوو دەستیپێکردوە، کاتێک کۆگایەکی سەدان مۆبایلی دزراو لە نزیک فڕۆکەخانەی هیسرۆی پایتەخت دۆزراوەتەوە و بڕیار بووە ئەو مۆبایلانە بە قاچاخ و لە ڕێگەیی فڕۆکەوە بیگوازنەوە بۆ هۆنگ کۆنگ.