میدیایەكی ئەمریكی لەراپۆرتێكیدا بڵاویكردوەتەوە ؛كشانەوەی سوپای
ئەمریكا لەعیراق دەبێتە هۆی هەڵكشانی هەژمونی ئەمریكا لەم وڵاتە.
هەواڵ ؛ KNNC
كەناڵی فۆكس نیوز ئاماژەی بەوەكردوە هەركاتێك ئێران دركی بەبۆشایی لەناوچەكەدا
كردبێت پڕی كردوەتەوە هەروەك دوای كشانەوەی ئەمریكا لەئەفغانستان لەرێگەی
هاوكاریكردنی بزوتنەوەی تاڵیبان و لەعێراقیش پشتیوانیی میلشیا شیعەكانی كردوە .
ئاماژە بەوەشكراوە كە چونە دەرەوەی هێزەكانی ئەمریكا لەعیراق كەڵێنێكی
گەورەی ئەمنی دروستدەبێت بەتایبەتیش لەپرسی توانا هەواڵگری و تەكنەلۆژیا
پێشكەوتوەكان كە لەلایەن واشنتۆنەوە بۆ بەرەنگاریبونەوەی هەڕەشەكانی داعش لەعیراق
دەستەبەركردون.
كەناڵەكە لەزاری پسپۆڕانی ئەمنی بڵاویكردوەتەوە؛ دەرفەت بۆ جموجۆڵی
بەرفراوانی گروپە شیعەكانی سەر بەئێران دەڕەخسێنێت و ئەوەش نیگەرانی هێزە كوردی و
سوننەكانی لێدەكەوێتەوە .
122 جار خوێندراوەتەوە