بەپێی داتا فەرمییەكان قەرزی كەڵەكەبوی ناوخۆیی عێراق لە سەرو 92.2 تریلیۆن(70.4 ملیار دۆلار) و دەرەكیش لەنێوان 20 بۆ 30 ملیار دۆلاردایە.

هەواڵ ؛ KNNC

ماڵپەڕی عەرەبی جدید پشت بەستور بەداتاكانی بانكی ناوەندیی عیراق لەكۆتایی مانگی حوزەیرانی رابردو كۆی قەرزە ناوخۆییەكانی ئەم وڵاتە گەیشتوەتە 87  تریلیۆن و 748 ملیار دینارو لەكۆتایی مانگی ئابیشدا قەرزە كەڵەكەبوەكانی ناوخۆ بڕەكەیی بۆ 92.2 تریلیۆن دینار ((70.4 ملیار دۆلار)) بەرز بوەتەوە و ئەوەش بەرزترین ئاستە كە قەرزە ناوخۆییەكان پێیگەیشتوە.

هەرچی قەرزە دەرەكییەكانی عیراقیشە لەنێوان 20 بۆ 30 ملیار دۆلاردایەو وەك پسپۆڕانی ئابوریش ئاماژەیان پێكردوە قەرزە كەڵەكەبوەكانی سەر عیراق مایەی نیگەرانییە و عیراق لەنێو قەرزدا دەخنكێت و مەترسی لەسەر سەقامگیری دارایی ئەم وڵاتە دروستدەكات.