ماوەی هەشت ساڵە گۆشەگیربوونی بەتەمەنەكانی فەرەنسا ڕوی لەهەڵكشانكردوەو رێكخراوێكیش ژیانی ئەوان بە گیانەڵانی كۆمەڵایەتی ناودەبات.

هەواڵ: KNN

رێكخراوی لی پۆتی فرێر دی پۆڤەری فەرەنسی  راپۆرتێكی پەیمانگەی سی ئێس ئەی بڵاوكردوەتەوە ،كە تیایدا باس لەژیان و گوزەرانی بەتەمەنەكانی ئەو وڵاتە كراوە كە ژمارەیان نزیكەی 18 ملیۆن كەسن و لەو ژمارەیەش 750 هەزاریان كە تەمەنیان لەسەرو 60 ساڵییەوەیە  و رێژەی لە  150% پێكدەهێنن تەواو گۆشەگیربون و هیچ كەسوكارێك لێیان ناپرسنەوە و رێكخراوەكەش بە گیانەڵانی كۆمەڵایەتی ناویبردون .

ئاماژە بەوەشكراوە  كەماوەی هەشت ساڵە گۆشەگیربونی بەتەمەنەكان لەفەرەنسا بەشێوەیەكی بەرچاو رووی لەهەڵكشان كردوە.

بەپێی هەمان سەرچاوە نزیكەی یەك ملیۆن و 500 هەزار بەتەمەن چاویان بەمنداڵ و نەوەكانیان ناكەوێت و پێكەوە كۆنابینەوە و لەهەمان كاتیشدا 3 ملیۆن و 200 هەزار بەتەمەنی تریش نەمنداڵ و نە نەوەیان هەیە.

لەساڵی 2022  تێكڕای خۆ كوشتن لەنێو ئەو كەسانەی تەمەنیان لەنێوان 85بۆ94 ساڵدا بوە بەرێژەی  35.2 بوە بۆ هەر 100 هەزار كەسێك واتە دوو هێندەی رێژەی تەمەنەكانی تری كۆمەڵگە بوون.

رێكخراوەكە دوپاتیكردوەتەوە كە هەژاری و بەكار نەهێنانی ئینتەرنێت و لەدەستدانی سەربەخۆیی و نەبونی خێزان لەو هۆكارانەن كە گۆشەگیرییان لەنێو بەتەمەنەكاندا زیاتر كردوە.