بەڕێوەبەری گشتیی کۆمپانیای سۆمۆ رایگەیاند، سبەی کاتژمێر شەشی بەیانی هەناردەکردنەوەی نەوتی هەرێمی کوردستان دەستپێدەکاتەوە .

هەواڵ: KNN  

 عەلی نزار، بەڕێوەبەری گشتیی کۆمپانیای سۆمۆ لە کۆنگرەیەکی رۆژنامەوانیدا رایگەیاند، دانوستانەکان لەبارەی نەوتەوە زیاتر لە 30 مانگی خایاند وکۆمپانیاکانی نەوت چاوەڕێی ئەم رێککەوتنە بوون و ئەورو پاش بۆ جێگرەوەی نەوتی رووسیا پێویستی بەم نەوتەیە.

وتیشی وەزارەتی نەوتی فیدراڵ، وەزارەتی سامانە سروشتییەکان و کۆمپانیا نەوتییەکان، لەسەر میکانیزمی هەناردەکردنەوەی نەوت لە ڕێگەی بەندەری جەیهانیی تورکییەوە، گەیشتنە ڕێککەوتنێکی گشتگیر و پیشەیی.

 جەختیكردەوە كە  کار بۆ ئەوە دەکەن بەرهەمی نەوتی کوردستان بگاتە 400 هەزار بەرمیل نەوت لە رۆژێکدا و لەئێستاشدا ڕۆژانە هەرێمی کوردستان نزیکەی 240 هەزار بەرمیل ڕادەستی کۆمپانیای سۆمۆ دەکات و سامانە سرووشتییەکانی هەرێمی کوردستانیش بڕی 50 هەزار بەرمیل بۆ ناوخۆ بەکاردەهێنێت.

  هاوكات دڵنیایی دایە کۆمپانیا نەوتییەکانی هەرێمی کوردستان و رایگەیاند: شایستە داراییەکانی کۆمپانیاکان لە ڕێگەی بانکی فیدراڵیی ئەمەریکاوە دەدرێت. وتیشی سبەی  شەممە کاتژمێر 6ـی بەیانی نەوتی هەرێم هەناردە دەکرێتەوە.