گۆڤاری SubTel Forumی ئەمریكی بڵاویكردەوە؛ كە عیراق لەهەوڵدایە بۆ ئەوەی لەناوچەكەدا ببێتە سەنتەری گواستنەەی داتای ئینتەرنێتی جیهانیی لەرێگەی پرۆژەكانی كێبڵی ژێردەریایی.

هەواڵ:KNN

گۆڤارەكە لەراپۆرتێكیدا ئاماژەی بەوەكردوە؛ عیراق لەڕێگەی پرۆژەكانی  كێبڵی ژێردەریایی ڤالكۆن و جی پی ئای ، باشوری خۆرهەڵاتی ئاسیا بەئەوروپاوە دەبەستێتەوەو ئەوەش بەخاكی عێراقدا تێپەڕدەبێت.

محەمەد حلو بەرێوەبەری گشتی گەیاندن لەبەسرە بەگۆڤارەكەی راگەیاندوە؛ ئەو دەشتپێشخەریەی عیراق سەروەری دیجیتاڵیی بۆ عیراق بەهێز دەكات و لەهەمان كاتیشدا پشتیوانی لەئاسایشیی ئەلەكترۆنی دەكات و دەرگا لەبەردەم وەبەرهێنانی جیهانیی لەبواری سەنتەرەكانی داتاو ژێرخانی دیجیتاڵی دەكاتەوە.