بانکی ناوەندیی ئەمریکا سودی بانکی بە رێژەی 0.25٪ کەمکردەوە ئەوەش كاریگەری لەسەر نرخی زێڕ هەبو. 

هەواڵ: KNN

بڕیارەكەی بانكی ناوبراو راستەوخۆ كاریگەری لەسەر نرخی زێڕ دروستكردو دایبەزاند بەجۆرێك ئێستا نرخی زێڕ بەڕێژەی 1% دابەزی لەكاتێكدا پێش بڕیارەكە نرخەكەی لە 3707 دۆلار بوو بەڵام ئێستا بوەتە  3657.4 دۆلار.
هەروەها نرخی یەک ئۆنسە زیو بەڕێژەی 3.18% دابەزی و گەیشتە 41 دۆلار و 550 دۆلار.

لەگەڵ ئەو هەنگاوەیدا بانكی ناوەندیی ئەمریكا راشیگەیاند: بەپێی ئاماژەکان لە نیوەی یەکەمی ئەم ساڵدا، گەشەی چالاکییە ئابورییەکان کەمێک سست بوو بۆیە  ئەگەر مەترسی دروست ببێت و پێویست بکات، ئەوا ئامادەن سیاسەتی نەختینەیی بگۆڕن و لایخۆشیەوە جیرۆم پاول، سەرۆکی یەدەگی فیدراڵی ئەمریکا ڕایگەیاند، پرۆسەی کەمکردنەوەی ڕێژەی سوود هاوشێوەی بەڕێوەبردنی مەترسییە، مەرج نییە دەستپێکی پرۆسەی کەمکردنەوەی ڕێژەی سوودی بەردەوام بێت.

هەر لەگەڵ بڕیارەكەشدا ، بانکی ناوەندی پێشبینییەکانی بۆ گەشەی ئابوری لە ساڵی 2025 دا لە 1.4% بۆ 1.6% بەرزکردەوە.

لەماوەی ئەمساڵدا ئەمە یەكەمین جارە بانکی ناوەندیی ئەمریكا ڕێژەی سوودی بانکیی دابەزاند، كەئەوەش پەیوەندی بە کەمبوونەوەی هەلی کار و مەترسییەکانی زیادبوونی هەڵاوسانەوە هەیە .