دەزگای هەواڵگری و لێکۆڵینەوەی فیدراڵی عێراق رایگەیاند  سێ ئەندامی باندی تیرۆریستی داعشیان لە پارێزگای کەرکوک دەستگیرکردوە.

هەواڵ:KNNC


دەزگای هەواڵگری و لێکۆڵینەوەی فیدراڵی عێراق بڵاویکردوەتەوە،  مەفرەزەکانی دەزگای هەواڵگری و لێکۆڵینەوەی فیدراڵی تایبەت بە بەرەنگاربونەوەی تیرۆر لە پارێزگای کەرکوک، توانیویانە لە چەند ئۆپراسیۆنێکی جیادا،  سێ تیرۆریستی سەر داعش دەستگیر بکەن.

ئاماژەی بەوەشکردوە، ئەو سێ تیرۆریستە دانیان ناوە بە تاوانەکانیاندا و  تێوەگلاون  لە چەندین هێرشی ڕابردودا بۆ سەر هێزە ئەمنییەکانی عێراق لە ناوەوە و دەرەوەی پارێزگای کەرکوک.

لە بڵاوکراوەکەی دەزگای هەواڵگریدا هاتوە؛  لێدوانەکانیان لەلایەن دەسەڵاتی دادوەرییەوە پشتڕاستکراوەتەوە و ڕەوانەی دادگای لێهاتو کراون بۆ وەرگرتنی سزای دادپەروەرانەی خۆیان.