ناوەندی راگەیاندنی هێزەکانی سووریای دیموکرات ئاشکرایکرد، گروپە چەکدارەکانی سەر بە حکومەتی سوریا یەکێک لە بنکە سەربازییەکانیان لە گوندەکانی ڕۆژهەڵاتی دێرەزۆر کردوەتە ئامانج.

هەواڵ: KNNC

هەسەدە راگەیەندراوێکی لەسەر هێرشەکە بڵوکردۆتەوەو دەڵێت: هێزەکانی سەربە حکومەتی دیمەشق لە شارەدێی جەنینە لە گوندەواری رۆژئاوای دێرەزۆر، بە درۆن و چەکی بی کەی سی، هێرشیانکردووەتەسەر خاڵێکی سەربازیی هێزەکانیان.


هەر بەگوێرەى راگەیەندراوەکە، هێزەکانی هەسەدە دەڵێت، دڵنیاین بریندار لە ریزی هێزە هێرشبەرەکەدا هەیە و دەشڵێت، پێنج ئەندامیان بەهۆی هێرشەکەوە برینداربوون.

لەڕاگەیەندراوەکەی هەسەدەدا هاتوە ئەو هێرشانە "هەوڵێکی نائومێدکەرانەن بۆ بڵاوکردنەوەی پشێوی و ناسەقامگیری ناوچەکە، دەشلێن جموجۆڵی ئەو گروپانە هاوکاتە لەگەڵ پەرەسەندنی هێرشەکانی داعش".

هەسەدە بەرپرسیارێتیی هێرشی ئەو گرووپە چەکدارانە دەخاتە ئەستۆی حکومەتی دیمەشق و داوایان لێدەکات، جڵەوەی ئەندامانی ئەو گرووپانە بکات و دەستبەجێ ئەو دەستدرێژییانە رابگرێت.

زیاد بونی هیڕشی گروپە چەکدارەکان دوای ئەوە دەێت هەفتەی رابردو هێزەکانی سوریای دیموکرات و بە سەرپەرشتی هێزەکانی ئەمریکا ئۆپڕاسیۆنێکی گەورەیان ئەنجامداو لە راگەیەندراوێکی ئاشکرایان کرد گەورە سەرکردەیەکی داعشیان کردۆتە ئامانج.