دوای راگرتنی كارەكانی بۆماوەی مانگێك، كۆمپانیای DNOی نەرویژی دەستبەكاركردنەوەی خۆی لەهەرێمی كوردستان راگەیاند.

هەواڵ: KNNC

ئاژانسی رۆیتەرز بڵاویكردەوە؛ لەمڕۆوە ئەو كۆمپانیا نەرویژییە لەهەردو كێڵگەی نەوتی تاوکێ و فیشخابور دەستی بەبەرهەمهێمنانی نەوت كردوەتەوە.

كۆمپانیاكە لە ڕاپۆرتێكیدا بڵاویكردوەتەوە، لەچارەكی دووەمی ئەمساڵدا بەرهەمی رۆژانەی نەوت لە هەرێمی كوردستان 56 هەزار و 100 بەرمیل بووە.

مانگی رابردو بەرپرسانی كۆمپانیاكە بەرۆیتەرزیان راگەیاندبوو؛ كە راگرتنی كارەكانیان بەهۆی هێرشی بەردەوامی فرۆكە درۆنیەكانەوە بوە لەناوچەكەدا و بەوهۆیەشەوە لەكێڵگەی فیشخابور زیان بەئامێرەكانیان گەیشتوە و وەك لەراپۆرتەكەشدا هاتووە؛ بەرهەمهێنانی نەوت لەم كێلگانە بە ڕێژەی 75٪ کەم بووەتەوە بەڵام ئێستا كۆمپانیاكە كۆی بەرهەمهێنانی لەسەر بنەمایەكی ئەزموونی  زیاد كردووە بۆ  (55) هەزار بەرمیل لە رۆژێكدا.