وەزارەتی بەرگری روسیا رایگەیاندوە تەنها لە 24کاتژمێردا دوو شارۆچکەیان لە ئۆکرانیا کۆنتڕۆڵکردوە، ئەمە لە کاتێکدایە پێش کۆبونەوەکەی ترەمپ و پوتین بۆ کۆتاییهێنان بە جەنگ روسیا شارۆچکەیەکی دیکەی داگیرکردبو و زینلیسکیش رایگەینادبو، روسیا هیچ کاتێک وەستاندنی جەنگی ناوێت.
هەواڵ:KNNC
ئەمڕۆ شەممە لە ڕاگەیەندراوێکدا وەزارەتی بەرگری ڕوسیا ڕایگەیاند، هێزەکانیان شارۆچکەی کۆلۆدیزی سەر بە دۆنێتسک و شارۆچکەی ڤۆرۆنۆی سەر بە ئۆبلاستی دنیپرۆپترۆڤسکیان کۆنترۆڵکردوە.
وەزارەتی بەرگری ڕووسیا لە بەیاننامەیەکدا ڕونی کردەوەتەوە؛ لە ئەنجامی ئۆپراسیۆنەکانیان یەکەکانی گروپی ڕۆژهەڵاتی ڕوسیا، شارۆچکەی ڤۆرۆنۆی ئۆبلاستی دنیپرۆپترۆڤسکیان ئازاد کردوە و لەلایەکی دیکەشەوە یەکەکانی گروپی ڕۆژئاوای ڕووسیا شارۆچکەی کۆلۆدیزی لە کۆماری گەلی دۆنێتسکیان ئازادکردوە.
پێشتریش و رۆژی هەینی پێش کۆبونەوەکەی ترەمپ و پوتین وەزارەتەکە ڕایگەیاندبو، هێزەکانی لیوای 36ی تفەنگی ماتۆڕسواری گروپی ڕۆژهەڵات شارۆچکەی ئەلێکساندرۆگرادیان لە دۆنێتسک کۆنترۆڵکردوە.
ئەمە لە کاتێكدایە لە دوای کۆبونەوەکەیان هەریەکە لە ترەمپ و پوتین ئاماژەیان بەوەدا نزیکن لە ڕێکەوتن و کۆتایی هێنان بە جەنگی ئۆکرانیا و لای خۆشیەوە زینلیسکی سەرۆکی ئۆکرانیا رایگەیاندبو، روسیا هیچکاتێک وەستاندی شەری ناویط و لە ڕۆژی کۆبونەوەکانیشدا بۆ وەستاندنی جەنگ ئەوان لە کوشتن ناوەستن.
196 جار خوێندراوەتەوە