وەك لەڕونكردنەوەكەداهاتوە؛ ماوەی چەند رۆژێكە ژمارەیەكی نەناسراو بەناوی چاودێری كۆمەڵایەتی و وەزارەتمانەوە پەیوەندی بەخانەوادەی خاوەن پێداویستی تایبەتەكان دەكات بەمەبەستی دابین كردنی مووچەی كەم ئەندامی وچاودێری كۆمەڵایەتی .

هەروەها داوای ناردنی كارتی نیشتیمانی و زانیاری و پێدانی ژمارە و ناوی خەڵكی تر دەكات، كە خاوەن پێداویستی تایبەت یان نەخۆش یان كەسانی بەساڵاچوویان هەبێت و دواتر بەناوی ئەوانەوە پەیوەندی بەو خانەوادانە دەكات و داوای كارتی مۆبایل و تەحویل كردنی دەكات، كە بەداخەوە ژمارەیەك هاوڵاتی زەرەرمەندی ئەم فێڵ كردنە بوونەتەوە.

وەزارەتی كارو كاروباری كۆمەڵایەتی لەڕونكردنەوەكەیدا  جەختیكردوەتەوە كە وەزارەتەكەیا ن ئاگاداری ئەم بابەتە نیە و ئەمە بەشێكە لە فێڵ كردن وبەرامبەر بەم فێل كردنەی ئەم گروپانەش رێكاری یاسایی دەگرنە بەر.