قائیمقامی قەزای دوکان بە کەی ئێن ئێنی ڕاگەیاند، هاوڵاتییەک هەڵیکوتاوەتە سەر ماڵە خەزورانی و دەستڕێژی گولـلەی لێکردون، دوو کەسی لێیان کوشتوە و دووی ترشی لێبریندار كردون، وتیشی هێرشبەرەكە تەقەی لە خۆی كردوەو بە سەختی بریندار بوە.


هەواڵ:KNNC

ئەمڕۆ چوارشەمە، پەیامنێری کەی ئێن ئێن رایگەیاند، لە روداوێکی تەقەکردندا لە گوندی قەمچوغە لە قەزای دوکان ، پێنج کەس بونەتە قوربانی و هۆکاری روداوەکەش کێشەی کۆمەڵایەتیی بوە.

بە گوێرەی زانیارییە سەرەتاییەکان کە پەیامنێری کەی ئێن ئێن لە زاری قائیمقامی قەزای دوکانەوە دەستی کەوتوە، یەكێك لەكوژراوەكان هاوسەری بکوژەکەیە و  ئەوی دیکەش هاوڵاتییەکە،  کە میوان بوە لەماڵەكەدا.


ئەوەشی خستەڕو، هێرشبەرەكە ، منداڵێك و خەسوشی بریندار كردوە و دواتریش بکوژ گوللەیەکی بەسەری خۆیەوە ناوە و بە سەختی بریندارە .

لە ئێستادا هێزە ئەمنییەکان چونەتە شوێنی روداوەکە و لێکۆلێنەوەیان دەستپێکردوە.

سلێمانی - بڕیار نامێق