حسێن مالكی سەركردە لەهاوپەیمانیی دەوڵەتی یاسا بەسەرۆكایەتی نوری مالكی هۆشداریدا لەهەڵوەشانەوەی دەستەی لێپرسینەوەو دادوەری و رایگەیاند؛ بەنەمانی ئەو دەستەیە زەمینە دەسازێن بۆ گەڕانەوەی ڕەغدی كچە گەورەی سەددام حسێن بۆ عێراق و بەشداریكردنی لەهەڵبژاردەكان.

بەوتەی حسێن مالكی؛  دەستەی ناوبراو تەنیا لە 30%ی ئەركە دەستورییەكانی جێبەجێكردوە و ئەو داواكاریانەش كە لەئارادان بۆ لەبەریەكهەڵوەشانەوەی دەستەی لێپرسینەوەودادوەری ڕەنگدانەوەی بۆشایی فیكری و بێئاگابوونە لەدەستور.

جەختیشیكردەوە  كە هێشتا زیاتر لە 25 هەزار پلەی بەعسێتی لەعیراقدا هەن و بەشداری پێكردنیشیان لەپرۆسەی سیاسیدا پرۆسەكە بەرەو ئاراستەیەكی خوێناوی دەگۆڕن.

دەستەی لێپرسینەوەودادوەری لەلیژنەی ڕیشەكێشكردنی بەعسەوە سەرچاوەی گرتوە كە ساڵی 2003 لەلایەن پۆل بریمەر حاكمی مەدەنی ئەمریكا لەعیراق دامەزرێنرا.