وەزارەتی کارەبای عێراق ڕێسا نوێیەکانی بۆ دابینکردنی کارەبا بۆ کۆمەلێگەکانی نیشتەجێبون و  وەبەرهێنان و کەمکردنەوەی لۆد لەسەر تۆڕی کارەبای نیشتیمانی بڵاوکردەوە، ئاماژەیان بەوەداوە ئیتر پڕۆژەکانی نیشتەجێبون پێوستە عەزلی گەرمی و وزەی خۆر بەکاربهێنن بۆ ئەوەی نەبنە هۆی دروستبونی لۆد لەسەر کارەبای نیشتیمانی.


هەواڵ:KNNC

ئەمڕۆ دوشەممە، وتەبێژی وەزارەتی کارەبای عێراق ئەحمەد موسا، ڕایگەیاند؛ وەزارەتی کارەبا پاڵپشتی دەکات لە چالاکی بیناسازی و بازرگانییەکان، بەتایبەتی لەگەڵ ئەو سەقامگیرییە ئەمنییەی کە ئێستا لە عێراق بەدی دەکرێت و لە هەمان کاتدا کاردەکات بۆ ڕێکخستنی پێدانی کارەبا بە گوێرەی ڕێسا و یاساکان بۆ ئەوەی باری زیادە لەسەر تۆڕی نیشتمانی دروست نەبێت.


ناوبراو ئەوەشی خستوتەڕو کە  ئەنجوومەنی باڵای وەبەرهێنان بە سەرۆکایەتی سەرۆکی حکومەت و بە وەزارەتی کارەباشەوە، ڕەزامەندی لەسەر ڕێکخستنی پێدانی کارەبا بۆ کۆمڵگەکەکانی یشتەجێبون و  پێویستی بە بەکارهێنانی عەزلی گەرمی و بەکارهێنانی وزەی خۆر و جێبەجێکردنی پێوەری زیرەک لە کۆمەڵگەکەندا پەسەند کراوە.


ئاماژەی بەوەشکردوە، "بڕیارەکانی حکومەت بەڕونی دوای گفتوگۆکردن لەگەڵ وەزارەتی کارەبا هات سەبارەت بە پڕۆژە نیشتەجێبوونەکان و هەلی وەبەرهێنان لە کۆمەڵگە پیشەسازی و بازرگانییەکان.

سەبارەت بە هەماهەنگی لەگەڵ شارەوانییەکان بۆ کەمکردنەوەی دەستدرێژییەکان بۆسەر کارەبای نیشتیمانی، وتەبێژی کارەبا وتویەتی؛  لەگەڵ وەزارەتە پەیوەندیدارەکان و فەرمانگەکانی پارێزگاکان و پۆلیسی  بەردەوام لە پەیوندیدان بۆ ڕێکخستنی هەڵمەتەکان و لابردنی دەستدرێژی و سزادانی ئەوانەی ئەو کارەدەکەن.