ڕێکخراوی مافی مرۆڤی ئێران ڕایگەیاندوە،  لە ماوەی یەک مانگدا، کۆماری ئیسلامیی ئێران لانیکەم سزای  سێدارەی بەسەر زیاتر لە  110 کەس لە بەندیخانە جیاوازەکانی وڵاتەکەدا جێبەجێکردوە و 67  بەندکراوی دیکەش مەترسیی لەسێدارەدانیان لەسەرە.

هەواڵ:KNNC

ڕێکخراوی مافی مرۆڤی ئێران ڕایگەیاندوە، ژمارەی لە سێدارەدان لە ئێران بەردەوام لە بەرزبونەوەدایە و بە بەراورد بە هەمان ماوەی  ساڵانی رابردو،  ڕێژەکە بوە بە دوو هێندە.


بە گوێرەی راپۆرتی ڕێکخراوەکە، ئەو 110 کەسەی سزای لە سێدارەدانیان بەسەردا جێبەجێکراوە لە مانگی رابردودا، لە نەتەوە جیاوازەکانن و جگە لە فارس، چواریان هاوڵاتی کورد بون، نۆ هاوڵاتی بەلوچ و حەوت هاوڵاتی ئەفغانستان و سێ هاوڵاتی عەرەبیش هەن.


ئەم ئامارانەی ڕیكخراوی مافی مرۆڤی ئێران لە کاتێكدایە، وڵاتەکە ئەو ئامارە ڕەتدەکاتەوە و بە فەڕمی تەنها لە سێدارەدانی هەشت هاوڵاتی ڕاگەیاندوە .

ڕێکخراوەکانی مافی مرۆڤ لە جیهاندا،  بەردەوام کۆماری ئیسلامی ئێران بەوە تۆمەتبار دەکەن کە سزای لە سێدارەدان وەک ئامرازێک بۆ دروستکردنی ترس و تیرۆر لە کۆمەڵگەدا بەکاردەهێنیت، بە تایبەت دوای ڕاپەڕینی جەماوەری "ژن، ژیان، ئازادی".