چەکدانانى پەکەکە دەستپێدەکات و شاندێکى دەم پارتیش دەگەنە هەرێمى کوردستان
هەواڵ:KNNC
شاندێکی دەم پارتی بەمەبەستى بەشداریکردن لە رێوڕەسمی چەکدانانی گرووپێکی گەریلاکانى پەکەکە سەردانى هەرێمی کوردستان دەکەن.
لە راگەیەنراوێکدا پارتی یەکسانی و دیموکراسیی گەلان (دەم پارتى) ئاماژەى بەوەکردوە، ژمارەیەکی سنوردارلە نووسەران، نوێنەرانی رێکخراوەکانی کۆمەڵگەی مەدەنی و پارتە سیاسییەکان بانگهێشت دەکەن، لە رێگەی رێکخستنی ئەوانەوە بچنە هەرێمی کوردستان بۆ ئامادەبون لە رێوڕەسمی چەکدانانی پەکەکە.
بەپێى زانیاریەکان سەرەتای هەفتەی داهاتو شاندەکەى دەم پارتی سەردانی هەرێمی کوردستان دەکات و راستەوخۆ دەچنە سلێمانی و ئامانجی سەرەکی سەردانەکەش بەشداربونە لە رێوڕەسمی چەکدانانی یەکەم گرووپی گەریلاکانی پارتی کرێکارانی کوردستان (پەکەکە).
284 جار خوێندراوەتەوە