تەندروستی غەززە رایدەگەیەنێت: هێرشەكانی (24) كاتژمێری رابردوی سوپای ئیسرائیل (246) قوربانی لێكەوتوە بەوەش كۆی قوربانیانی جەنگ لە مانگی ئۆكتۆبەری (2023)ـوە تا ئەمڕۆ بۆ (188) هەزار و (963) كەسی بەرز بوەتەوە.


هەواڵ: (KNNC)


ئەمڕۆ هەینی وەزارەتی تەندروستی غەززە ئاماری قوربانیانی جەنگی ئیسرائیل و بزوتنەوەی حەماسی ئاشكراكرد و بڵاویكردەوە؛ لەئەنجامی هێرشەكانی (24) كاتژمێری رابردوی سوپای ئیسرائیل بۆسەر كەرتی غەززە (246) قوربانی لێكەوتوەتەوە كە لەو ژمارەیە (72) گیان لەدەستدان و (174) كەسی دیكە برینداربون.


ئەوەیخستوەتەڕو، كۆی ژمارەی قوربانیانی هێرشەكانی سوپای ئیسرائیل لە (7ـی ئۆكتۆبەری 2023) بۆسەر هاوڵاتیانی مەدەنی لەكەرتی غەززە بۆ (56) هەزار و (331) گیان لەدەستدان و برینداربونی (132) هەزار و (632) كەسی دیكە بەرزبوەتەوە.


وەزارەتی تەندروستی غەززە ئاماژەی بۆ ئەوەشكردوە، بەهۆی بەردەوامی هێرشەكانی سوپای ئیسرائیل تا ئێستا نەتوانراوە تیمەكانی تەندروستی و بەرگری شارستانی كەرتی غەززە بەهانای ئەو قوربانیانەوە بچن كە لەژێر بینا و تەلار و شەقامەكاندا ماونەتەوە.