وەزیری دەرەوەی ئێران رایدەگەیەنێت: هەر کردەوەیەکی نوێی دەستدرێژیکردنی ئیسرائیل بۆ سەر وڵاتەكەی  بەوەڵامێکی یەکلاکەرەوەی سوپای پاسداران روبەڕویان دەبنەوە.


هەواڵ: (KNNC)


لە پەیوەندییەکی تەلەفۆنیدا لەگەڵ ڕادۆسڵاو سیکۆرسکی وەزیری دەرەوەی پۆڵەندا ئەمڕۆ پێنجشەممە، عەباس عراقچی، وەزیری دەرەوەی ئێران رایگەیاند: هەر کردەوەیەكی دەستدرێژیكارانەی سەربازی دیكە لەلایەن ئیسرائیلەوە بكرێتە سەر وڵاتەكەی، سوپای پاسداران بەتوندی روبەڕویان دەبێتەوە وەڵامێكی یەككەرەوەی دەدەنەوە.


وتیشی: ژمارەیەك لە وڵاتانانی ئەوروپا پشتیوانی ئیسرائیل دەكەن، ئەوەش لەلایەن كۆماری ئیسلامی ئێرانەوە ئیدانە كراوە و داواشیان لێكراوە هەڵوێستەكانیان بەرپرسیارانە بێت.


وەزیری دەرەوەی ئێران ئاماژەی بۆ ئەوەشكردوە، پشتیوانی كردنی دەستدرێژی كردنە سەر تاران لەلایەن ژمارەیەك لەوڵاتانی ئەوروپاوە جێگەی شەرمەزارییە، بۆیە پێویست بو بەكاردانەوەكانیان هەڵوێستێكی رون و راشكاویان دژی پێشێلكردنە سەر سەروەری وڵاتێكی دیكە و ژێرپێخستنی یاسا نێودەوڵەتییەكان هەبوایە.