لەگەڵ بەردەوامی جەنگی نێوان ئیسرائیل و ئێران، نرخی زێڕ دابەزینی تۆمارکرد و ئۆنسەیەک بە 3.354 دۆلار مامەڵەی پێودەکرێت.

ئابوری:KNNC

ئەمڕۆ دوشەممە، لەگەڵ کردنەوەی بازاڕەکانی ئاسیا، نرخی زێڕ بەرێژەی 0.4%  دابەزینی تۆمارکردوە و ئۆنسەیەک بە 3354.4 دۆلار مامەڵەی پێوەدەکرێت.

هاوکات، نرخی یەک ئۆنسە زێڕی ئەمەریکا بەرێژەی 0.5% دابەزی و گەیشتە 3.369 دۆلار بۆهەر ئۆنسەیەک.

تیم واتەر، شرۆڤەکاری باڵای بازاڕ لە کۆمپانیای KCM Trade دەڵێت: هێرشەکانی ئەمریکا بۆ سەر دامەزراوە ئەتۆمییەکانی ئێران بوەتە هۆی ئەوەی وەبەرهێنەران خواستیان لەسەر دۆلار بەرزببێتەوە و ئەوەش بوەتەهۆی دابەزینی نرخی زێڕ.

وانگ تاو، شرۆڤەکاری ئاژانسی رۆیتەرز رایگەیاندوە، چاوەڕواندەکرێت نرخی زێڕ بۆ 3324 دۆلار دابەزێت.