دەستەى نیشتیمانى بۆ چاودێریی ئەتۆمیی و
تیشکدانەوەى عێراق جەخت دەکاتەوە کە بەهیچ شێوەیەک تیشک دزەى نەکردوەتە ناو وڵاتەکە و دڵنیاییش
دەدات کە رێکارەکانیان بۆ رێگریی گرتوەتەبەر.
هەواڵ:KNNC
سەباح حوسنى، جێگری سەرۆکى دەستەکە بە رۆژنامەى
فەرمیی عێراقى راگەیاندوە کە بەپێی پلانەکانى پێشو دەستەکەیان رێکارى خۆپارێزى
جۆراوجۆرى گرتوەتەبەر، لەنێویاندا بەکارهێنانى سیستمى کۆنتڕۆڵکردنى تیشک و تۆڕى
ئاگادارکردنەوەى پێشوەختە و وێستگەى چاودێری.
ئاماژەى بۆ ئەوەکردوە کە داتا هونەرییەکان هیچ
بەرزبونەوەیەکى ناسروشتیی تیشکیان تۆمار نەکردوە و تەواوى سیستمەکانیش بەردەوام لە
کاردان.
جەختیشى کردوەتەوە کە بەردەوام لەگەڵ
لایەنەکانى حکومەت و ئاژانسە نێودەوڵەتییەکان لەسەر هێڵن تا لە ئەگەرى هەر
روداوێکى کتوپڕدا بتوانن رێگریی بکەن.
68 جار خوێندراوەتەوە