سیناتۆرێکى کۆمارییەکان دەڵێت: راوەستاندنى شەڕ لەئێستادا بەدەستى ئێرانە و ئەو وڵاتە دەتوانێت لە سبەینێوە شەڕ رابگرێت ئەویش بە وازهێنانى لە بەرنامە ئەتۆمییەکەى.

هەواڵ:KNNC

تیم شیهى، سیناتۆرى کۆمارییەکان بە تۆڕى هەواڵى سی ئێن ئێن،ى راگەیاندوە؛ پێویست ناکات ئەمەریکا راستەوخۆ بەشدارى لە شەڕى ئێران و ئیسرائیل بکات، تەنها پێویستە دڵنیا ببنەوە کە تواناکانیان لە هاوکاریکردنى ئیسرائیل ورد و سەرکەوتو بێت.

وتوشیەتى: گەلى ئەمەریکا نایەوێت چیتر وڵاتەکەمان شەڕ لە رۆژهەڵاتى ناوەڕاست بکات و نامانەوێت بچینە ناو شەڕێکى درێژخایەن.

جەختیشى کردوەتەوە کە گۆڕینى رژێم لە ئێران تەنها بڕیارى هاوڵاتییانى وڵاتەکەیە و بڕیارى کەسى دیکە نییە وتوشیەتى: ئێران بە وازهێنانى لە بەرنامە ئەتۆمییەکەى دەتوانێت سبەینێ ئەم شەڕە رابگرێت.