دژی هێرشەكانی ئیسرائیل بۆ سەر ئێران ئەنجومەنی نوێنەرانی عێراق راگەیەندراوێكی بڵاوكردەوە كە تیایدا ئاماژەی بۆ ئەوەكردوە؛ بەكارهێنانی ئاسمانی عێراق بۆ هێرشكردنە سەر دراوسێكانیان رەت دەكەنەوە.


هەواڵ: (KNNC)


دوای كۆتایی هاتنی دانیشتنە نائاساییەكەی "پێشێلكارییه‌كانی ئیسرائیل به‌رانبه‌ر به‌ سه‌روه‌ریی عێراق" ئەنجومەنی نوێنەرانی عێراق، راگەیەندراوێكی بڵاوكردەوە كە تیایدا هاتوە: پێشێلكارییه‌كانی ئیسرائیل  به‌رامبه‌ر بەئاسمانی عێراق و به‌كارهێنانی بۆ هێرشكردنه‌ سه‌ر وڵاتانی دراوسێ ره‌ت دەكەنەوە و داوا له‌ حكومه‌ت دەكەن رێوشوێنی یاسایی به‌رامبه‌ر پێشیلكارییەكانی ئەو وڵاتە بگرێته‌به‌ر.


ئەوەشخراوەتەڕو، ئەنجومەنی نوێنەران پشتیگیریی خۆی بۆ حكومه‌تی عێراق دەردەبڕێت بۆ ئەوەی  له‌سه‌ر ئاستی هه‌رێمی و نێوده‌وڵه‌تی هەوڵە دیپلۆماتییەكانی له‌م باره‌وه‌ ده‌ست پێ بكات.


ئەنجومەنی نوێنەرانی عێراق ئاماژەی بۆ ئەوەشكردوە، سەرباری پشتیوانی گەلی عێراق بۆ گەلی ئێران، بۆ روبه‌ڕوبونه‌وه‌ی هه‌ر جۆره‌ لێكه‌وته‌یه‌كی هه‌رێمی و نێوده‌وڵه‌تی عێراقییەكان پێویستیان بە یەكڕیزی ناوخۆیی هەیە.