دوابەدوای هێرشەکانی ئیسرائیل، ڕێبەری ئینقلابی ئیسلامی، عەلی خامنەیی ڕایگەیاند؛ ئیسرائیل بەم کارەیان چارەنوسێکی تاڵ و ئازاربەخشیان بۆ خۆیان ئامادە کردوە و بە دڵنیاییەوە وەریدەگرێت.
هەواڵ: KNNC
عەلی خامنەی بڵاویکردوەتەوە، ئیسرائیل بەرەبەیانی ئەمڕۆ، دەستی پیس و خوێناوی خۆی بەڕوی تاوانێک لە وڵاتی خۆشەویستمان کردەوە و ناوەندەکانی نیشتەجێبونی کردوەتە ئامانج.
بە لێدان لە ناوەندەکانی نیشتەجێبون زیاتر لە هەمو کاتێک سروشتی خراپی خۆی ئاشکرا کرد و ڕێژیم دەبێ چاوەڕوانی سزای توند بێت.
خامنەی دەشڵێت؛ لە هێرشەکانی دوژمندا چەندین فەرماندە و زانا شەهید بون. جێنشین و هاوکارەکانیان دەستبەجێ دەست بە ئەرکەکانیان دەکەنەوە.
وتوشیەتی بەم تاوانەی ئیسرائیل چارەنوسێکی تاڵ و ئازاربەخشی بۆ خۆی ئامادە کردوە و بە دڵنیاییەوە باجەکەی بە توندی وەردەگرێت.
54 جار خوێندراوەتەوە