ئەمینداری گشتی بزوتنەوەی عەسائیبی ئەهلی حەق رایگەیاند، بەهۆی ئەوەی حکومەتی هەرێم داهات رادەستی بەغداد ناکات، تا ئێستا موچەی فەرمانبەرانی هەرێم دابەشنەکراوە.

هەواڵ:KNNC

قەیس خەزعەلی، ئەمینداری گشتی بزوتنەوەی عەسائیبی ئەهلی حەق، ئەمڕۆ لەوتاری نوێژی جەژندا رایگەیاند: حکومەتی هەرێم شکستی هێناوە لە رادەستکردنی داهاتە نانەوتییەکان بە بەغداد.

وتیشی: کێشە بنەڕەتی لە نێوان هەولێر و بەغداد ئەوەیە، زۆرینەی بەرپرسانی هەرێم بڕوایان بە عێراقێکی یەکگرتو نییە.

خەزعەلی راشیگەیاند، حکومەتی هەرێم داهاتی نەوت رادەستی بەغداد ناکات و بە نرخی خوڵ دەیفرۆشێت، داهاتی دەروازە فەرمی و نایاساییەکانیش رادەست ناكات.

ئاماژەی بەوەشکرد، رێژەی هەژاری لە هەرێمی كوردستان زیاترە لە ناوچەكانی ناوەڕاست و باشور، ئامارە فەرمییەکان ئاماژە بەوە دەکەن، زۆرینەی پەنابەرانی عێراق لە دەرەوەی وڵات، خەڵکی هەرێمی کوردستانن.