پاپای نوێی ڤاتیكان داوای ئاگربەست لە ئیسرائیل و حەماس دەكات و دەشڵێت: پێویستە هەردو لایەن بەتەواوی رێز لە یاسا مرۆییە نێودەوڵەتییەکان بگرن.


هەواڵ: (KNNC)


لە وتاری هەفتانەی خۆیدا كە لە گۆڕەپانی سانت پیتەری ڤاتیكان بەڕێوەچو، پاپا لیۆی چوارده‌هه‌م، پاپای نوێی ڤاتیكان رایگەیاند: دایکان و باوکان لە كەرتی غەززە تەرمی منداڵە کوژراوەکانیان بەرەو ئاسمان بەرز دەكەنەوە و داوای كۆتایی هێنان بە جەنگ دەكەن.

وتیشی: جارێكی دیكە داوا لە بەرپرسانی ئیسرائیل و بزوتنەوەی حەماس دەكاتەوە، جەنگ رابگرن و هەمو بارمتەکان ئازاد بکەن، پێویستە رێز لە یاسا مرۆییەكان بە تەواوی بگرن.


كاردیناڵ ڕۆبێرت پریڤۆستیان دوای دەستبەكاربونی وەك پاپای نوێ، لەیەكەم وتاریدا پاپا لیۆی چوارده‌هه‌م داوای راگرتنی جەنگی ئۆكراینا و روسیای كرد و ئاماژەی بۆ ئەوەشكرد، جیهان پێویستی بە ئاشتییەکی ڕاستەقینە و بەردەوام هەیە.


لە (7ـی ئۆكتۆبەری 2023) جەنگ لە نیوان بزوتنەوەی حەماسی فەلەستینی و سوپای ئیسرائیلدا دروسبوە و دوای ئەوی بەشێوەیەكی كاتی راگیرا لە لە (18ـی ئازاری 2025)ـەوە جارێكی دیكە تەلئەبیب هێرشەكانی بۆسەر بزوتنەوەی حەماس دەستی پێكردەوە.


لای خۆشیەوە تەندروستی كەرتی غەززە بڵاویكردەوە: ژمارەی قوربانیانیانی جەنگی غەززە لە (7ـی ئۆكتۆبەری 2023) گە یشتوە بە (177) هەزار و (392)، ژمارەی گیان لەدەستدان لە (18ـی ئازاری 2025) گەیشتوەتە سێ هەزار و (924) و (11) هەزار و (267) كەسی دیكەش برینداربون.