وەزارەتی دەرەوەی عێراق رەتیکردەوە، پەیامی دۆناڵد ترەمپ-ـی سەرۆکی ئەمەریکای بە تاران گەیاندبێت.

هەواڵ:KNNC

وەزارەتی دەرەوەی عێراق لە بەیاننامەیەکدا رایگەیاندوە، هەندێک هەواڵی چەواشەکارانە لە تۆڕە کۆمەڵایەتییەکان بڵاوبوەتەوە لەبارەی ئەوەی "ترەمپ دوو هەفتە مۆڵەت دەداتە ئێران بۆ ئەوەی میلیشیاکانی لە عێراق بکشێنێتەوە".

وەزارەتەکە دەڵێت: ئەو هەواڵانە هیچ بنەمایەکیان نییە و هیچ سەرچاوەیەکی فەرمی پشتڕاستی نەکردوەتەوە، ئەوەش نمونەی پراکتیزەکردنی میدیایی ناپڕۆفیشناڵە کە ئامانج لێی بڵاوکردنەوەی زانیاری ناڕاست و چەواشەکارانەیە.

راشیگەیاندوە، بەیاننامە فەرمییەکان لەسەر هەمو پرسەکان لەلایەن حکومەتی عێراق و وەزارەتی دەرەوە بڵاودەکرێنەوە، کە تاکە سەرچاوەی باوەڕپێکراون.