دەسەڵاتی فڕۆکەوانیی مەدەنیی عێراق بڕیاریدا بە کردنەوەی ئاسمانی عێڕاق و سەرجەم فڕۆکەخانەکان بەڕووی گەشتە ئاسمانییەکاندا، ئەمەش دوای ماوەیەک لە داخستنیان بەهۆی تێکچوونی دۆخی ئەمنیی ناوچەکە

بەنکین ڕێکانی، سەرۆکی دەسەڵاتی فڕۆکەوانیی مەدەنیی عێراق بەوەکالەت، ئەمڕۆ چوارشەممە (8ی 4ی 2026) ڕایگەیاند: لە ئەمڕۆوە ئاسمانی عێراق و تەواوی فڕۆکەخانەکان بەڕووی هاتوچۆی فڕۆکەکاندا کرانەوە

پێشتر دەسەڵاتی فڕۆکەوانیی مەدەنی بەهۆی پەرەسەندنی گرژییە سەربازییەکانی ناوچەکە و شەڕی نێوان ئەمریکا و ئیسرائیل لەلایەک و ئێران لەلایەکی دیکەوە، بڕیاری دابوو بە درێژکردنەوەی ماوەی داخستنی ئاسمانی عێراق، بە ئامانجی پاراستنی سەلامەتی گەشتە ئاسمانییەکان