کەشناسی هەرێم پێشبینییەکانی بۆ 48 کاتژمێری داهاتوو ڕاگەیاند و ئاماژە بە ئەگەری بارانبارین و هەورە تریشقە لە ناوچە جیاجیاکان دەکات
بەپێی پێشبینیەکان ئەمڕۆ چوارشەممە، ئاسمانی هەرێم لە نێوان نیمچە هەور و هەوری تەواودا دەبێت، لە ناوچە شاخاوییەکان ڕێژەی هەورەکان زیاتر دەبن. پێشبینی دەکرێت بارانی لەناکاو و هەورە تریشقە ناوچە جیاجیاکان بگرێتەوە، بەتایبەت لە کاتەکانی دوای نیوەڕۆدا نمە بارانێکی کەم سەنتەری پارێزگاکانی سلێمانی، دهۆک و هەڵەبجە دەگرێتەوە. پلەکانی گەرماش بەراورد بە دوێنێ ڕوو لە بەرزی دەکەن
سەبارەت بە کەشوهەوای سبەی پێنجشەممە، کەشناسی ئاماژەی بەوە کردووە کە کاریگەریی بارانبارین بە شێوەی "بارانی بەهاری" و لێزمە بارانی کورتخایەن بەردەوام دەبێت
ناوچە شاخاوییەکانی پارێزگای دهۆک، هەولێر، سلێمانی و ئیدارەکانی زاخۆ، سۆران و ڕاپەڕین زۆرترین کاریگەریی ئەم شەپۆلەیان لەسەر دەبێت و لە هەندێک کاتدا بارانی مامناوەندییان لێ دەبارێت
هەروەها پێشبینی دەکرێت پلەکانی گەرما کەمێکی دیکە ڕوو لە بەرزبوونەوە بکەن و گەرمیان بە 24 پلەی سیلیزی بەرزترین پلەی گەرما تۆمار بکات.
104 جار خوێندراوەتەوە