وەزارەتی نەوتی عێراق ئاشكرایدەكات؛ کێشەیان لەگەڵ كاركردنی کۆمپانیا ئەمەریکییەکان نییە، بەڵام بەمەرجێك مامەڵەکردنی کۆمپانیایاكان لەگەڵ هەرێم نادەستوری نەبێت و لە چوارچیوەی دەستور و بڕیارەکانی دادگادا بێت.


هەواڵ: (KNNC)


ئەمڕۆ هەینی، وەزارەتی نەوتی عێراق رایگەیاند: پێشوازی کارکردن لەگەڵ کۆمپانیا ئەمەریکییەکان دەکات و هەمیشە هەوڵدەدات لەگەڵ کۆمپانیاكانی ئەو وڵاتە بەشێوەی گرێبەستی راستەوخۆ كار بۆ پەرەپێدانی کێڵگە نەوتیی و گازەییەكان بکات.


راشیگەیاندوە: پێویستە کارکردن لەگەڵ ئەو کۆمپانیا ئەمەریكییانە پشت بەدەستوی عێراق ببەسترێت كە  بڕیارەکانی دادگای فیدراڵی لەوبارەیەوە دەکراون و گرێبەستەکانی وەزارەتی نەوتی عێراق لەگەڵ کۆمپانیا ئەمەریکییەکان لە بورارەكانی هەڵکەندنی بیر، خزمەتگوزارییە نەوتییەکان و خزمەتگوزاریی راوێژکاری  بەردەوامن.


وەزارەتی نەوتی عێراق ئاماژەی بۆ ئەوەشكردوە، وەزارەتەکەیان رەخنە و ناڕەزایەتی سەبارەت بەمامەڵەکردن لەگەڵ ئەو کۆمپانیا ئەمەریكییەكان نییە، بەڵام بەئەو مەرجەی مامەڵەی راستەوخۆ لەگەڵ حکومەتی هەرێم لەڕێگەی كەناڵە فەرمییەكانی حكومەتی عێراقەوە بێت بۆ ئەوەی پێشێلی دەستوری عێراق و یاسا کارپێکراوەکان نەبێت.