بەمەبەستی تاوتوێكردنی میكانیزمی هەمواركردنەوەی دەستوری سوریا، نوێنەرانی ئیدارەی رۆژئاوای كوردستان و حکومەتی دیمەشق كۆدەبنەوە.

هەواڵ: (KNNC)

دوای پەسەندکردنی دەستوری کاتی سورییا و ناڕەزایەتی کورد بە جێنەکردنەوەی مافەکانی کورد لە دەستورەکەدا و پێشێلکردنی رێکەوتنی مەزڵوم عەبدی و ئەحمەد شەرع، مەرسەدی سوری دەڵێت هەوڵێک هەیە بۆ هەموارکردنەوەی دەستورەکە.

روانگەی سوری بۆ مافەکانی مرۆڤ بڵاویكردەوە؛ دانوستانی بەردەوام لە نێوان نێوان هەسەدە و دیمەشق هەیە بۆ  گەیشتن بەکۆدەنگییەك کە بەرژەوەندییەکانی دانیشتوانی رۆژئاوای كوردستان مسۆگەر بکات.

ئاماژەی بۆ ئەوەشكردوە، لیژنەیەکی بەدواداچونی هاوبەش لە نێوان هەسەدە و دیمەشق بۆ پێداچونەوە بەمەرجەکانی رێککەوتنەکە و دڵنیابونەوە لە گەیشتن بە ئەو لێکتێگەیشتنانەی کە خزمەت بە سەقامگیری وڵاتەكە و ناوچەکانی ئیدارەی خۆبەڕێوەبەری، پێكهێنراوە ئەوەش لەپێناو دورکەوتنەوە لە پەرەسەندنی سەربازی.

روانگەی سوری راشیگەیاندوە: ئەم پرۆسەیە لە چوارچێوەی هەوڵدان بۆ دەستەبەركردنی مافە سیاسییەکانی کورد لە چوارچێوەی چارەسەری سیاسی لە سوریادا، كە هاوکاتە لەگەڵ باشتربونی پەیوەندییەکانی نێوان حکومەتی سوریا لەگەڵ سعودیە و ئەمەریکا کە دەرفەتی باشتری بۆ پرۆسەكە رەخساندوە.