کورتە فیلمی (دەستی دایکم) لە فێستیڤاڵی نێودەوڵەتی فیلم لە تونس توانی خەڵاتی (زێڕین) بەدەستبهێنێت، کە یەکێكە لە گرنگترین خەڵاتی فێستیڤاڵەکە.
هەمەڕەنگ: KNNC
کورتە فیلمی (دەستی دایکم) لە نوسین و دەرهێنانی (کاردینا هێمن)ە، بەرهەمی سپۆتلایتی عێراق و پەیمانگای گۆتەی ئەڵمانییە و لە شاری موصڵ کاری وێنەگرتنی بۆ کراوە، چیرۆکی فیلمەکە باس لەو قوربانی و وێرانكاریانە دەكات كە شەڕ بە دوایخۆیدا دەیهێنێت ئەمەش لە رێگەی خەونی منداڵێكەوە دەبینرێت.
لە چەند رۆژی رابردودا کورتە فیلمی (دەستی دایکم) لە بەشی پێشبڕکێی خولی دەیەمی فێستیڤاڵی فیلم لە 15 تا 19 مانگی 11ی 2024 لە دورگەی (جربة) لە تونس بەشداری کرد و توانی (خەڵاتی زێڕین) بباتەوە.
ئەکتەر و دەرهێنەری لاو (كاردینا هێمن)، ساڵانێكە لە بواری سینەماو درامادا كاردەكات وەك ئەكتەر لە چەندین كورتە فیلم و فیلمی درێژ و درامای كوردیدا بەشداربوە، وەك دەرهێنەریش كاری کردوە بۆ چوار كورتە فیلم و توانیویەتی چەندین خەڵات لە فێستیڤاڵەكان بەدەست بهێنێت.
107 جار خوێندراوەتەوە