وەزارەتی پلاندانانی عێراق رایگەیاند، پڕۆسەی ژماردن و گەمارۆدانیان لە 15 پارێزگای عێراق تەواو کردوە، تەنها هەرێمی کوردستان ماوە ئەو پڕۆسەیە هەر بەردەوامە.

هەواڵ:KNNC

عەبدولزهرە هنداوی، وتەبێژی وەزارەتی پلاندانانی عێراق، لە لێدوانێکی ڕۆژنامەوانیدا، ڕایگەیاند، لە بەشێکی زۆری پارێزگاکانی عێراق بە تەواوی پڕۆسەی ژماردن و گەمارۆدان تەواو و ئەوەی ماوەی بە ڕێژەی لە %99 پڕۆسەکە تەواو بوە.

ئاماژەی بەوەشکرد، %85 پڕۆسەی ژماردن و گەمارۆدان لە پارێزگاکانی هەرێمی کوردستان تەواو بوە و ئەو دواکەوتنەش بەهۆی ئەوە کە درەنگ پڕۆسەکە لەوێ دەستیپێکرد.

وتەبێژی وەزارەتی پلاندانانی عێراق، وتیشی: 120 هەزار کارمەند بە تابلێتەوە ئامادەکراون بۆ تەواوی کردنی پڕۆسەی ژماردن و گەرمارۆدان لەو ناوچانەی کارکردن تێیدا تەواو نەبوە.

بڕیار بو تا کۆتایی ئەم مانگە پڕۆسەی ژماردن و گەمارۆدان لە هەرێمی کوردستان تەواو ببێت و لە 20ی مانگی داهاتودا سەرژمێری گشتی لە عێراق و هەرێمی کوردستان ئەنجامدەدەرێت.