دوو گەورە راوێژکارى سەرۆکى ئەمەریکا دەچنە ئیسرائیل بەمەبەستى گفتوگۆ لەبارەى کۆتاییهاتنى جەنگ لە لوبنان، چاوەڕێش دەکرێت ئەو پرسە لە چەند هەفتەى داهاتودا یەکلایی بکرێتەوە.

هەواڵ:KNNC

پێگەى ئەکسیۆسى ئەمەریکى لە زارى سێ سەرچاوە کە نەیانویستوە ناویان ئاشکرا بکرێت؛ بڵاویکردوەتەوە، سبەینێ هەریەکە لە ئاموس هۆکستین و برێت مەکگۆرک دەگەنە ئیسرائیل بۆ بەستنى رێککەوتنێک لەبارەى کۆتاییهێنان بە جەنگ لە لوبنان.

ئەو بەرپرسانە ئاماژەیان بۆ ئەوەکردوە کە ئیسرائیل و ئەمەریکا رێککەوتنیان لەبارەى جەنگ لەنێوان ئیسرائیل و حیزبوڵاى لوبنان کردوە و دەکرێت لە چەند هەفتەیەکى کەمى داهاتودا یەکلایی بکرێتەوە.

لاى خۆیەوە، رۆژنامەى یەدیعۆت ئەحرانۆت-ى ئیسرائیلى بڵاویکردوەتەوە کە حیزبوڵاى لوبنان ئامادەیە مەلەفى لوبنان و غەززە جیابکاتەوە و پرسى جەنگیش لە لوبنان قۆناغێکى باشى بڕیوە.