بزوتنەوەی گۆڕان ئاشكرایدەكات؛ ئامادەکاری بۆ بەستنی کۆنفرانسی سێهەم دەكەن و بانگەوازیش لە هەمو هاوڕێ و کەسایەتی وهەڵسوڕاو و گۆڕانخوازانە دەکەن، بەپڕۆژە، بۆچونەکانیان بەشداربن لە دەوڵەمەندکردن و گەڵاڵەکردنی دەستورێکی گونجاو بۆ قۆناغی داهاتوی بزوتنەوەكەیان.

هەواڵ: (KNNC)

لە راگەیەندراوێكی رۆژنامەوانیدا بزوتنەوەی گۆڕان بڵاویكردەوە؛  وەکو پێویستیەکی ژیانی ڕێکخراوەیی و پابەندی قانونی؛ بزوتنەوەی گۆڕان لە سێ مانگی داهاتودا، ئامادەکاری بۆ بەستنی کۆنفرانسی سێهەم لە شاری سلێمانی دەکات.

ئاماژەی بۆ ئەوەشكردوە؛ بانگەواز لە هەمو ئەو هاوڕێ و کەسایەتی وهەڵسوڕاو و گۆڕانخوازانە دەکەن، کە پەرۆشن بۆ بەهێزكردنەوەی گۆڕان، بەپڕۆژە، بۆچونەکانیان بەشداربن، لە دەوڵەمەندکردن و گەڵاڵەکردنی دەستورێکی گونجاو و پەیكەرەیەكی رێكخراوەیی و داڕشتنەوەی بەرنامە و گوتاری سیاسی بۆ قۆناغی داهاتوی بزوتنەوەكەیان.


ئەمەش دەقی راگەیەندراوەكەی بزوتنەوەی گۆڕانە؛



راگەیەندراوی رۆژنامەوانی


وەکو پێویستیەکی ژیانی ڕێکخراوەیی و پابەندی قانونی؛ بزوتنەوەی گۆڕان لە سێ مانگی داهاتودا، ئامادەکاری بۆ بەستنی کۆنفرانسی سێهەم لە شاری سلێمانی دەکات.

ئەم کۆنفرانسە دەکرێتە وێستگەی گۆڕانکاری ریشەیی و بەخۆداچونەوە هەڵسەنگاندنی گشتگیر، بۆ ئەدای كاری دامەزراوەكان و یەكە ریکخراوەییەکان.

لەسەر ئەو بنچینەیە و وەک بنەمایەک بۆ کاری پێکەوەیی، بانگەواز لە هەمو ئەو هاوڕێ و کەسایەتی وهەڵسوڕاو و گۆڕانخوازانە دەکەین، کە پەرۆشن بۆ بەهێزكردنەوەی گۆڕان، بەپڕۆژە، سەرنج و تێبینی و بۆ چونەکانیان بەشداربن، لە دەوڵەمەندکردن و گەڵاڵەکردنی دەستورێکی گونجاو و پەیكەرەیەكی رێكخراوەیی و داڕشتنەوەی بەرنامە و گوتاری سیاسی بۆ قۆناغی داهاتوی بزوتنەوەكەمان.