قەزای خورماتو؛ لە هەڵمەتیكی هێزە ئەمنییەکاندا زیاتر لە 70 ماتۆڕسکیل دەستیانبەسەردا گیرا

KNN : Kurdish News Network
10:05 - 27/10/2024
عێراق
+
-

ئەمشەو  لەقەزای خورماتو هەڵمەتێكی فراوانی دەستبەسەراگرتنی ماتۆڕسكیل دەستیپێكرد، بەڕێوبەری پۆلیسی قەزاكە دەڵێت ئەو هەڵمەتە لەسە داوای هاوڵاتییان  بوە و بەهۆی گلەیی و گازندەی ئەوانەوە ئەنجام دراوە.

 

هەواڵ؛ KNNC

عەمید حسێن عەلی، بەڕێوبەری پۆلیسی خورماتو بەكەی ئێن ئێنی ڕاگەیاند: هەڵمەتی دەستبەسەراگرتنی ماتۆڕسكیل دوای ئەوەدێت كە ئەو ماتۆڕسكیلانە بونەتە هۆی بێزاركردنی هاوڵاتییان و ساڵنسای ماتۆڕەكانیان گۆڕیوە بۆ دەنگی بەرز و پێشی بەرزدەكەنەوە.


وتیشی: زیاتر لە 70 ماتۆڕسكیل دەستی بەسەرداگیراوە و ڕێوشوێنی توند بەرامبەر شۆفێرەكانیان دەگیرێتەبەر و هەڵمەتەكەش بەردەوامە.


بەڕێوبەری پۆلیسی خورماتو ئاماژەی بەوەدا لەماوەكانی ڕابردو چەند جارێك هەڵمەتی دەستبەسەراگرتنی ماتۆڕسكیلیان ئەنجامداوە و دوای پێدانی هۆشداری ماتۆڕەكان دراوەتەوە بە خاوەنەكانیان، بەڵام ئەمجارە لەلایەن هاوڵاتیانەوە گلەیی و گازندەی زۆر كراوە، بۆیە ماتۆڕە دەستبەسەرداگیراوەكان نادرێتەوە و لەناودەبرێن.

 

205 جار خوێندراوەتەوە