لە ماوەی مانگی رابردو سزای لە سێدارەدان بەسەر 94 بەندکراو لە ئێران جێبەجێ کراوە لە نێوانیاندا 20 هاوڵاتی کورد هەبوە.

هەواڵ:KNNC


ناوەندی مافی مرۆڤی هەنگاو لە دوایین راپۆرتی خۆیدا ئاشکرایکرد، لە مانگى ئاب سزای لەسێدارەدانی 94 بەندکراو لە زیندانەکانی ئێران جێبەجێ کراوە.

بەپێى راپۆرتەکە، بە بەراورد بە مانگی تەمموز سزاى لە سێدارەدان بە ڕێژەى 71٪ زیادی کردوە، چونکە لە مانگى تەمموزدا سزاى لەسێدارەدان بەسەر 55 کەسدا جێبەجێ کراوە. 

بەپێی ڕاپۆرتەکەیێکخراوى هەنگاو لە مانگی ئاب، 20 کەس لەوانەى لەمانگى ئابدا لە ئێران لە سێدارە دراون کوردن کە دەکاتە 21٪ی کۆی حاڵەتی لەسێدارەدرانەکان.

هاوکات لەو مانگەدا سزای لە سێدارەدان بەسەر 12 تورک، نۆ بەلوچ و هەشت  لوڕ  جێبەجێ کراوە و  14 هاوڵاتیی خەڵکی ئەفغانستان و یەک هاوڵاتیی خەڵکی شاری کەرکوک لە مانگی رابردودا  لە ئێران لەسێدارە دراون.